換季啦！卓悅瘋減迎春夏！

Last updated 三月 7, 2018

Hello 春天嚟啦！護膚品化粧品又係時候換季啦！跟住小編去卓悅掃貨啦，韓國最新 V5維他命面膜，櫻花緊緻、荷花亮白、綠茶抗氧3款任揀，只係 $48/盒；Hit爆嘅台灣版Sofina粧前隔離乳$89/支，有佢春夏唔溶粧；仲有夏日必備極速瘦身/瘦面啫喱$118/支，著bikini冇有怕，係咪好吸引呢！？去馬啦！

LAFFAIR V5面膜含5種維他命，針對有問題肌膚，Step 1重點修護，Step 2全面水潤、緊緻、亮白，重現春夏水光肌！

LAFFAIR V5維他命2步曲面膜 5片
(綠茶抗氧 / 荷花亮白 / 櫻花緊緻)
建議價 $89
特價每盒$48

綠茶：抗氧紓緩，改善痘痘肌
綠茶補水原液，清爽易吸收，有抗氧化、抗菌抑酶、深層保濕嘅功效。
Step 1：將茶葉狀面膜貼喺面頰或皮膚粗糙嘅位置，紓緩鎮靜肌膚；或者敷喺黑眼圈嘅位置，抑制黑色素形成，減淡黑眼圈。
Step 2：面膜紙超薄勁貼面，綠茶萃取精華進入肌膚底層，補水得嚟好清爽，入面嘅兒茶素仲可以平衡油脂分泌，抑制暗瘡生長，好啱春夏用。

荷花：深層補水，平滑肌理
荷花萃取原液可以增加肌膚嘅天然保濕成分NMF，肌膚底層開始層層補水，有效改善細紋、嫩滑肌膚。
Step 1：將荷花狀面膜貼喺比較乾燥嘅部位，例如額頭、鼻翼兩側，補水力Double Up！
Step 2：面膜紙同樣係超薄勁貼面，補水力比綠茶面膜更強，敷15分鐘後，輕輕按摩直至精華完全吸收，細胞飲飽水，望落更加有光澤。

櫻花：補水、緊緻、提亮膚色
含多種天然植物精華，細分子極速滲透15層肌膚，直達肌底，為肌膚注入水活能量，持續24小時補水兼鎖水。
Step 1：將櫻花狀面膜貼喺蘋果肌，收細毛孔，同時令肌膚亮白水嫩、白裏透紅。
Step 2：面膜紙吸滿精華，全面淨白膚色，持久保濕滋養肌膚，踢走黯黃，還原肌膚細緻水潤。

Sofina粧前隔離乳出晒名好用又抵用，透薄唔厚重，輕微調亮膚色，令粧容更貼服持久，春夏唔怕油光滿面、浮粉甩粉啦！

Sofina Primavista Ange水潤 / 控油瓷效粧前隔離乳25g / 25ml
特價每支 $89

水潤配方
春夏天出入冷氣地方，肌膚容易變得乾燥，底粧浮粉唔貼，喺上粉底之前搽上薄薄一層保濕粧前隔離乳，持續補水，底粧全日都保持perfect嘅狀態。

?含玻尿酸、甘油，全日都咁保濕
?添加微細珠光，均勻膚色，提亮暗啞，令肌膚自然細滑
?作為粧前打底，令之後上嘅粉底更加貼服

控油配方
質地水潤，呈粉膚色，推開之後有均勻膚色嘅效果，但唔會泛白，透薄又清爽，春夏用真係好適合，最重要係控油得嚟唔會令肌膚過乾。

?含隔離皮脂定粧成分，持續控油，不泛油光
?修飾膚色不均，呈現明亮勻透好膚質
?添加玻尿酸保濕成分，控油同時保濕

減肥嘅季節到啦！唔想鬼祟肉出嚟示人，就要先發制人，將佢消滅！瘦落嚟先至係硬道理！

SEVEN BREAK 7 極速瘦身 / 瘦面啫喱 200g
建議價 $168
特價每支 $118

極速瘦身啫喱
日本最暢銷嘅減肥產品之一，七日就可以見到瘦身效果，將肚腩、拜拜肉、麒麟臂、大象腿一網打盡。

攞適量啫喱，輕輕來回按摩，啫喱吸收得好快，之後慢慢有發熱嘅感覺，加速燃燒皮下脂肪。啫喱添加咗玻尿酸和蘆薈精華，喺燃燒脂肪同時補水滋潤，仲可以減淡脂肪紋、橙皮紋，令肌膚緊緻細滑。

極速瘦面啫喱
雙下巴？法令紋？面珠墩下垂？
同樣係7日見效，瘦面專用啫喱，日本美粧雜誌一致推薦，好評率高達98%以上。

將啫喱搽上面，從下而上打圈輕輕按摩，肌膚微微發熱，促進脂肪燃燒，有效去水腫，針對雙下巴、法令紋、肌肉下垂、咀嚼肌偏大，全方位瘦面。

春夏甜美粧容，韓國Youtuber Pony都推薦嘅Etude House 可愛曲奇胭脂，打造白裏透紅好氣色。

Etude House 可愛曲奇胭脂 (多色)
建議價 $58
特價每盒 $35

橙紅色：活潑
粉紅色：可愛
紫紅色：白裏透紅

胭脂如其名，包裝可愛夢幻，粉質幼滑，掃上面唔會搞到一噠噠，仲可以修飾扁平、寬大嘅面形，透出自然好氣色，成個人後生10年。

?上色貼面
?亮澤肌膚，唔會放大毛孔
?控油吸汗，不脫粧
?粉撲可愛柔軟，外出使用都方便

胭脂唔只帶嚟好氣色、襯托出完美嘅膚色，仲可以令面形更加立體。

?長面型：水平橫掃，加寬面形
?圓面：斜斜向上掃，拉長面形，即刻變瘦
?方形面：掃喺笑肌最高處，增加溫柔感

春夏天梗係要有一罐紓緩啫喱看門口，當作補水面膜、眼膜、髮膜、保濕面霜、曬傷紓緩樣樣得。

PAX MOLY 濟洲紓緩啫喱300g (蘆薈 / 蜂蜜 / 深海)
建議價 $48
每件$18

天然蘆薈精華：補水保濕，消炎袪痘
天然蜂蜜成分：補水又滋潤
深海保濕成分：保濕、刺激骨膠原增生

有效紓緩肌膚不適，降低日光、炎熱天氣和紫外線嘅傷害，仲有抗菌、消炎、幫助傷口痊癒和鎮靜敏感等功效。清爽配方，迅速被皮膚吸收，適合面部、身體使用。

面部用法：
? 每日喺卸粧及潔膚後，搽適量啫喱，鎮靜脆弱皮膚
? 如皮膚缺水敏感，可厚敷啫喱作面膜用
? 可於敷片裝面膜前搽上啫喱，加強保濕紓緩功效
? 加上少量精油，搽喺敏感乾燥肌膚上，加強滋潤效果
? 男士可於剃鬚後作鬚後護理，減少紅痛不適
? 可放喺雪櫃加強冰涼效果

身體用法：
? 搽喺身體任何部位，保濕又滋潤
? 護髮用，修護頭髮，減少打結開叉

卓悅門市及官網同步熱賣，只限以上部分產品及優惠。優惠期由2018年3月2日至3月7日止，貨品數量有限，售完即止。