12月優惠月 卓悅聖誕狂減95折

12月迎接聖誕,周圍都開始減價啦!小編當然要走在優惠嘅最前線,率先睇下卓悅今期有乜平靚正美粧,一於靚住過聖誕!今年Party Queen仲唔係小編嘅囊中物(偷笑)!

洗面都要KEEP住優雅!

Kanebo EVITA 立體玫瑰泡沫潔顏 150g
95折實價 $90.3/支

最新粉紅玫瑰限量版,超綿密泡泡,潔淨又水潤!

一貫簡約淑女風嘅包裝,重點係可以唧出充滿少女心嘅粉紅‧3D玫瑰泡泡,好玩又好用!

(圖片來自互聯網)

除咗外表靚,仲加咗蜂王漿萃取精華膠原蛋白透明質酸同埋大馬士玫瑰花水等保濕成分,質地幼滑,打圈按摩面部,絕對唔會拉扯到皮膚,每個毛孔都洗得超乾淨,保濕唔繃緊,仲有陣陣玫瑰草莓香,醒神又醒膚!

人氣熱話
1的40

玫瑰泡泡開花小技巧
1) 搖勻樽身後,直立放置潔面泡
2) 雙手同時壓低兩邊白色壓頭,唧出泡沫
3) 唧出高約3cm泡沫後鬆手
4) 將泡泡搽上面,輕輕按摩後洗淨

小編超鍾意呢支潔面泡,每次成功唧玫瑰花泡泡都覺得好療癒,壓力大解放,令到洗面成為一件浪漫的事!


荒漠甘泉,拯救乾燥暗黃肌膚!

Avène 水潤紓緩保濕面膜 50ml
建議價 $240
95折實價 $113.1/支

Avène呢款補水面膜含雅漾活泉水紅花籽油棕櫚核仁油,有效紓緩鎮靜、保濕滋潤肌膚,而且不含任何防腐劑,為敏感性受損肌膚修補皮脂保護屏障,提升肌底儲水力。

冬天天氣乾燥,敏感肌膚好易出現泛紅,甚至有甩皮嘅情況,皮膚狀態唔穩定,小編就好鍾意用佢嚟急救補水,效果一流!

(圖片來自互聯網)

面膜無添加任何酒精、香料或防腐劑,質地呈乳霜狀,十分之幼滑,搽上面即時感受到「飢」膚大啖大啖咁飲水。

短短5分鐘,效果已經非常明顯,泛紅嘅皮膚紓緩咗好多面色都白潤咗,肌膚細緻嫩滑度大大提升。輕輕摸摸面頰,感覺好柔軟,可以feel到肌膚飲飽水,好滿足!


星級小黑瓶,打造超強護膚地基!

Lancôme Advanced Genifique 升級版嫩肌活膚精華肌底液 30ml
建議價 $695

95折實價 $368.6/支

升級版小黑瓶每滴注入40%活性成分,精華比前一代肌底液更加滋潤,而且瞬間吸收、修護不留痕。

蘊含酵母萃取,修復肌底細胞,增強肌膚防禦力,令肌齡時光倒流,回復年輕。

10效合1:撫平細紋、減退皺紋、煥發光澤、增加透亮度、提升均勻度、提升膚質、增加彈性、更見飽滿、加倍緊緻、提升輪廓!

肌底液呈水狀,帶有微香,推開後幻化成水,超快吸收,而且一啲都唔笠,令之後搽精華及乳液更快吸收,小編用咗7日之後,肌膚明顯變得柔嫩、彈滑、亮澤。


2017限量套裝,Party Queen必買!

Givenchy Noir Couture眼唇套裝
包括:豐盈防水睫毛液 8g及迷你唇彩 3.5ml / 濃密豐盈睫毛液 8g及迷你唇膏 1.3g
建議價 $305
95折實價 每套$239.4

Givenchy Noir Couture睫毛液系列特有360˚螺旋形立體刷頭,中段纖細刷毛抓住每根睫毛,令睫毛根根分明,而前後段刷毛可以延長細短嘅睫毛,呈現好似「開眼頭」嘅大眼效果。睫毛液仲添加咗促進睫毛角蛋白生成嘅成分,有效滋養強韌睫毛。

Set 1:豐盈防水睫毛液 8g及迷你唇彩 3.5ml
一掃睫毛纖長豐盈,無比濃密捲翹,仲防水防油,全日唔溶粧;配以因應嘴唇pH值變色嘅唇彩,雙唇水潤亮澤,仲唔艷壓全場!

Set 2:濃密豐盈睫毛液 8g及迷你唇膏 1.3g
睫毛根根纖長、濃密有層次、全方位捲翹,Hold住全日魅力大眼粧;加埋最經典嘅唇膏,上色飽和,滋潤度又高,唔成為焦點都幾難!

刷睫毛嘅小秘訣:
1. 先用化粧水沾濕棉棒,輕輕抹乾淨睫毛,再上少少碎粉。
2. 用睫毛夾夾住睫毛根部,停留幾秒,再向上移動,每隔5mm夾緊停留一陣。
3. 打開睫毛液時,喺開口處旋轉一下,整走多餘嘅睫毛液,從根部”Z”字形向上搽。搽完一層,等乾咗之後再搽第二層,令睫毛更濃密。
4. 搽完睫毛液至少要等10秒,等睫毛液乾透再眨眼。


温泉水3寶,全日Keep住水潤!

Biotherm Aquasource 溫泉水潤套裝
包括:保濕凝膠 / 乳霜 50ml、潔面霜 50ml 及潔膚水 100ml
建議價 $425
95折實價 每套$237.5

Biotherm 呢兩Set溫泉水潤套裝雖然唔係為聖誕打造,但就好適合聖誕用!

蘊含皇牌保濕成分:水源再生因子及甘露醣,從潔面開始,為肌膚注入水分,令肌膚達至持久保濕及鎖水嘅狀態。

獨有嘅革新成分Mannose,能滲入第5層肌膚補水,同時蘊含5000公升溫泉水,就好似急救保濕面膜一樣,可以即時為肌膚降溫,堪稱多效合一嘅補水之王!你話點可以唔買!

綠色適合正常或油性肌膚
潔面露相對比較清爽,之後用同系列嘅潔膚水抹面,去除老廢角質,肌膚變得更加明亮通透。而保濕凝膠質地水潤,推開後瞬間就會被吸收,肌膚變得水嫩有彈性,但一啲黏膩感都無。

粉紅適合乾性肌膚
潔面露比較潤,潔淨力同綠色一樣強,滋潤效果更好,之後再用同系列潔膚水抹面,去除角質同時柔滑肌膚,令肌膚變得更加嫩滑。而保濕乳霜亦相對滋潤,蘊含修護肌膚成分,提升表皮層脂質含量,肌膚即時變得健康亮澤、柔軟嫩滑。

小編覺得成套用落感覺好好,能48小時長效補水,清新又舒服!


卓悅門市及官網同步熱賣,只限以上部分產品及優惠。優惠期由2017年12月8日至2017年12月14日止,貨品數量有限,售完即止。

咁多筍貨,平到你唔信!係時候同好姊妹一齊去掃貨啦!???

你可能也喜歡