夏日撒嬌 電力十足

哇,好曬呀!要同陽光玩遊戲,就要全副武裝,防曬、美白、深層清潔、止汗香體做到足!時刻保持最佳狀態,電力十足,撒嬌最殺食!

​日本最強毛孔清道夫

世界上最爽嘅事莫過於清黑頭粉刺,既有快感,又有滿足感!但係用針清,皮膚搞到又紅又腫,毛孔仲愈嚟愈大,撒嬌吃力不討好!等小編介紹隻好嘢俾你,將全面嘅黑頭粉刺一網打盡,超爽!


COSMENIST 毛孔潔淨黑面膜

❣ 10分鐘清潔毛孔、搣走老化角質、黑白頭,連面上多餘嘅汗毛都搣走埋
❣ 10種美容成份:玻尿酸、膠原蛋白、蜂王漿、熊果素、魚腥草、胎盤素、鞘糖脂、茶葉、貝殼硬蛋白粉、大豆,緊緻皮膚、收縮毛孔、補水滋潤
❣ 敷完面膜,皮膚超乾淨,摸上去好似剝殼雞蛋咁白滑

咁犀利,小編梗係第一時間買返去試用,敷咗大概15分鐘,全面嘅面膜都乾晒,慢慢從下而上搣出嚟……哇!估唔到我塊面咁污糟,好多黑色白色一點點黐出嚟!清潔效果幾好,用完皮膚好滋潤,一啲都唔乾!摸下個鼻,平滑咗好多,毛孔睇落仲緊緻咗,值得推薦!


(網絡圖片)

☑ 使用方法:
1. 洗完面抹乾之後,將適量嘅黑面膜搽上面
2. 面部毛孔粗大和黑白頭比較多嘅地方,可以搽厚啲
3. 等10-20分鐘面膜顏色變淺,完全乾透之後,慢慢從下而上搣出嚟
4. 建議一星期使用2-3次

Image result for black gel pack
(網絡圖片)

⚠ 注意事項:
1. 用之前倒轉擺放,否則有機會產生好稀嘅液體,唧出嚟無法形成面膜
2. 一定要喺面膜乾透先可以成塊搣走面膜
3. 有傷口、濕疹及皮膚異常就唔好用嘞

人氣熱話
1的40

COSMENIST
毛孔潔淨黑面膜 90g
建議價 $75
撒嬌價 $58/支


​敏感眼周最強卸粧

有冇人同小編一樣,眼周肌膚特別脆弱敏感,有時卸完眼粧之後,雙眼會痕痕地,乾乾地,總之就好唔舒服,撒嬌電力減弱!所以我會揀低敏嘅Avene眼部卸粧液

❣含活泉水,紓緩鎮靜肌膚
❣不含香料、油脂及防腐劑
❣低刺激配方,保護眼周嬌嫩嘅肌膚
❣輕易卸除眼部彩粧,眼線、睫毛膏、眼影通通卸得一乾二淨

? 眼部卸粧Tips
1. 將卸粧棉放喺下眼睫毛,再用棉花棒點少少卸粧液,由睫毛根部逐條捽
2. 將滴有卸粧液嘅卸粧棉,敷喺雙眼5秒,眼粧就會自動溶解
3. 再用濕水嘅卸粧棉,輕輕抹一次眼周,將殘粧抹走


(網絡圖片)

呢隻卸粧液比一般卸粧水滋潤,溫和唔刺激皮膚,但清潔力好強,防水眼粧都卸得好乾淨,無論你係咪敏感皮膚,絕對會一用愛上!

Avene
眼部卸粧液 125ml
建議價 $220
撒嬌價 $85/支


NO.1 美白神器

一白遮三醜,唔想做黃面婆,發唔到電,防曬美白唔少得!小編對於美白好講究,除咗要見到有效果,最重要係唔會搞到皮膚乾、爆敏感,所以我會揀含天然美白成分嘅產品!


Laneige 水光亮白調色日霜連調色海綿


?成分天然,結合4 大特點
❣ 瞬間提亮
專利三白草精華結合嶄新嘅水光亮白科技Mela-vita Crusher™,有效淡化色斑,兼改善暗啞膚色,不含色素,即時自然提亮膚色
❣保濕鎖水
植物糖保濕精華即時補充肌膚水分,美白效果double up,煥發水潤透亮肌膚
❣經抗敏測試
萃取天然植物成分,溫和亮白保濕,紓緩敏感泛紅現象
❣特製調色海綿
配合特製海綿嚟用,令日霜加倍貼薄,皮膚睇落更加細緻

小編會喺護膚程序最後一步,攞適量嘅日霜搽上面,再用內附嘅調色海綿印勻全面加埋頸部,日霜好快吸收,唔油唔笠,好貼薄,膚色望落均勻亮白。如果皮膚狀態好果日,小編薄薄搽一層日霜就可以出街,粧都唔使化都有好面色!
Laneige
WHITE DEW
水光亮白調色日霜 50ml
<附調色海綿>
建議價 $275
撒嬌價 $178/套


日本止汗香體王

女仔梗係要時刻香噴噴,咁先會電力過人!但係噴香水又遮蓋唔到汗臭,「香」加「臭」,結果都係臭!所以小編喺夏天會揀既有持久香味,又可以止汗臭嘅產品!


Lion獅王 Ban 身體止汗噴霧

❣防臭:納米離子殺菌成分深入毛孔皮脂,持久防止體味
❣止汗: ACH止汗成分有效長時間止汗 、除汗臭
❣持久:利用滯留技術,令殺菌、止汗成分貼住皮膚,就算流汗都唔會流走
❣清爽:噴上身即時乾透,唔會黐笠笠


(網絡圖片)

Vivi推薦、日本Cosme No.1必屬佳品!小編會全身噴,尤其係腋下比較多汗嘅部位仲會噴多啲!噴霧有無香味和香皂味兩款,我就比較鍾意香皂味,聞到好似啱啱沖完涼咁清新,而且腋下背脊好清爽,零舍舒服!

Lion獅王
Ban
身體止汗噴霧 135g
(無香味 / 香皂味)
建議價 $45
撒嬌價 每支$29.9


神級淡斑水

唔好睇小化粧水嘅威力,如果佢成分靚,分分鐘可以做到保濕兼美白淡斑嘅功效!夏天陽光普照,小編最驚就係曬斑喺肌膚底層浮出嚟!面上多咗啲斑斑點點,就算皮膚幾白都唔過電!


Estee Lauder 循環自生亮白淡斑化粧水

得到日本厚生省抗敏和亮白QD認證,敏感肌都可以用!


(網絡圖片)

天然萃取植物成分
❣黃芩苷:促進肌膚亮白及自我修復功能,解決色斑及色素沉着嘅問題
❣維他命C、糖蜜及海蕨精華:譽為特效淡斑組合,瞄準打散日積月累嘅黑色素,顯著減淡色斑,同時抑制過量色素聚集
❣甘草:發揮鎮定紓緩作用,有效防止膚色暗沉不均


(網絡圖片)

☑ 使用方法 :
1. 攞適量化粧水喺手心搓熱
2. 由面部中間向兩邊、從下而上搽勻
3. 用指尖喺色斑位置輕彈,重點淡化色斑

呢支化粧水比一般化粧水濃稠,輕拍之後好快就俾皮膚吸收,感覺仲好滋潤,皮膚摸落去好細滑!小編用咗成個月,曬斑真係無多到!美白效果唔錯!

ESTEE LADUER
CRESCENT WHITE
循環自生亮白淡斑化粧水 200ml
建議價 $430
撒嬌價 $268/支

卓悅今期仲有好多優惠,CLICK入去睇下啦!???

你可能也喜歡