韓國型爆彩粧 TINCHEW 登陸卓悅

用嚟用去果幾隻粉底、唇膏、胭脂,用到悶,冇晒新鮮感?
夏天就是需要衝擊!等小編介紹啲好嘢俾你啦!Ms, Violet旗下化粧品牌 ?TINCHEW? 一系列粧物,色彩繽紛,啱晒夏天用,而且上粧效果拍得住大牌,仲含有7種維他命,兼具護膚效能!係時候喺你嘅化粧品收藏添置新成員嘞!

維他 7 透潤水感隔離霜 (綠色/紫色)

所謂底霜用得好,粉底貼服無煩惱!TINCHEW 嘅隔離霜有2種色調:綠色遮蓋泛紅痘印、紫色提亮暗啞膚色,重點係佢有7種維他命、葵花籽油及玻尿酸鈉,保濕鎖水功力超凡!上粧之前用,粉底自然透亮,最重要係全日唔浮粉!

維他 7營養透白素顏霜

想有好氣息,但又唔想化粧焗到皮膚生粒粒?TINCHEW 素顏霜一定係你杯茶!薄薄一層即時白一度,但唔會有面具感,超自然!入面嘅護膚成分,持續美白保濕,皮膚仲唔愈搽愈靚!
單用或者用嚟做粧前打底霜都得!
不用卸粧,洗面乳即可洗淨!

魔幻明星唇膏

人氣熱話
1的43

甜美女孩 must-have item! 顯色滋潤又持久嘅唇膏唔係無,但搽上嘴顯得膚色靚嘅就唔係支支都得!TINCHEW魔幻明星唇膏全部都做到,搽上嘴氣質提升,心跳感UP!

粉漾溫感潤唇膏

含多種滋潤成分,一搽上嘴,唇紋就即刻消失,全天候飽滿脹卜卜!唇色仲會隨住體溫變色,淡淡地,超自然!甜美裸唇,親和感UP!

維他7 透亮CC霜 SPF30 PA++

可能係世界上最好用嘅CC Cream!採用Water Drop Melting 技術,添加7種維他命、洋甘菊萃取及玻尿酸鈉等多種保濕成分,即時撫平細紋、遮蓋毛孔、均勻膚色!

維他 7超持妝遮瑕BB霜 SPF30 PA++

一如 TINCHEW 嘅其他化粧品,添加 7種維他命,仲有羽衣草萃取及甘油,肌膚飲飽水,同時加入天然礦物吸走多餘油分,質地透薄得嚟,遮瑕度出奇咁高!

蝸牛修顏BB霜

呢支BB cream有高達15%嘅蝸牛粘液,保濕鎖水得嚟仲可以淡化色斑!而入面嘅紅覆盆籽油及錦葵萃取,具修復、抗氧化功效,好適合膚色暗啞嘅乾肌朋友!

維他7 水光氣墊粉餅+補充裝

專利「銀納米透氣網面抗菌技術」減低細菌滋生,Cushion就更乾淨衛生!集保濕、淨白、紓緩、修護、緊緻、淡斑、收毛孔於一身嘅萬能Cushion,肌膚越來越靚之餘,最重要係可以化出充滿水光感嘅?韓式水感粧?嘩!仙氣逼人呀!

完美無瑕粉餅 SPF30 PA++

粉底、防曬、保濕同美白 4 in 1!粉質幼細輕盈,好似輕紗咁薄貼透氣,膚色亮白自然、滑溜零毛孔,打造細膩啞緻粧容!用嚟補粧,特別清爽持久!

氣色調控魔法棒

胭脂最忌化到紅噹噹,白裡透紅先至最然!嗱,TINCHEW 胭脂棒含摩洛哥堅果油、杏仁油、維他命E等滋潤成分,質地好似奶油咁滑,水潤貼服,輕易打造透亮蘋果肌!

明眸之光三角眉筆

專業化粧師之選!三角筆頭容易掌握眉毛線條粗幼,細緻畫出根根分明嘅眉毛,質地柔滑,絕對冇卡粉嘅情況!加上防水防油配方,夏天流汗都唔會變「無」眉娘!

明眸捲翹睫毛膏


獨特嘅纖密弧形掃頭,掃出扇形纖長睫毛,而且防水防汗抗暈染,Hold住全日唔溶! 

清爽豐盈睫毛膏


360度零死角嘅濃密螺旋掃,大細啱啱好,輕易掃出豐盈濃密太陽光眼睫毛,而且根根分明,超級推薦!

柔滑濃黑眼線液

化粧一定要畫眼線!TINCHEW 眼線筆採用彈性筆芯,輕易控制力度,隨意畫出粗幼眼線!而且激黑、兼防水、防油,唔理你係出汗定流眼淚都唔會溶!

你可能也喜歡